藝訓班適合新人 蒲進暗寸導師未夠格
無綫訓練班出身的亞視藝人蒲進，盛傳是在亞洲電視第二次裁員其中一人。昨日蒲進現身《ATV2012亞洲小姐競選》大中華總決賽活動時，透露高層葉家寶於昨日邀他回公司傾談半小時，氣氛愉快，但未談及炒魷問題。曾上堂一天的他，撐公司開藝訓班，但要認清對象：「訓練班對新人好緊要，但要畀1年班、6年班定中學生去上呢？冇可能group埋晒同一班。咁主旨係咩呢？大家理解唔同，今日我唔係返去照肺，講完咪大家返去思考下。（呢排都唔上堂？）除非解答到分班問題啦。」
談到合約內有「演員的職責」條款，蒲進表示近日忙於搬屋，未有時間細閱，不過卻直言以往於無綫上訓練班，導師乃羅冠蘭、詹瑞文等，似乎暗指亞視導師未夠班，對此蒲進謂：「我唔評論，導師係公司決定，我只做好自己。」