陳曉東Dry睇男裝翹手等人揀

近年轉戰內地發展的陳曉東，雖然不時有緋聞傳出，但東東早前公開表示於內地發展的戀情全部沒有好結果，所以有意回流揀港女做老婆。自稱沒有拖拍的東東日前回港過聖誕，繼續Dry到爆。前日下午5時許，東東相約一名男友人於中環行街，穿皮褸戴黑超的他和友人全程睇男裝，雖然靚衫當前，不過他明顯對揀衫興趣不大，全程翹手等友人幫手揀，然後從旁畀意見。
戴黑超的陳曉東翹埋雙手，由友人揀衫給他過目。
戴黑超的陳曉東翹埋雙手，由友人揀衫給他過目。

東東和友人睇完衫再睇行李箱，期間兩個大男人有傾有講氣氛相當愉快。難得回港的東東雖然冇女相伴，但亦不時面露笑容，心情相當不錯。未幾，大批記者出現爭相拍攝，為免造成混亂，店員安排東東和友人由秘道離開。

陳曉東與男友人在店內有講有笑。
  • 陳曉東與男友人在店內有講有笑。