基仔攞假避席奬照頒

一年一度樂壇頒獎禮已揭開序幕戰，將在元旦日舉行的「叱咤」頒獎禮，基仔因未能打入「叱咤樂壇我最喜愛的男歌手」最後五強，即謠言滿天飛，有傳他遭「叱咤」冷待，新歌《初初》更傳出禁播謠言，不甘受挫的基仔日前以請了大假為由缺席四台頒獎禮。由於「叱咤」頒獎禮以播放率定輸贏，據本報預測，陳奕迅、容祖兒在毫無驚喜下，再度成為「叱咤男／女歌手」金獎得主。

祖兒浩龍齊攞獎

基仔年中憑《告別我的戀人們》及《戀無可戀》播放走勢凌勵，可惜後繼乏力，《初初》的播放率離奇偏低，新派上台的《幸福方舟》更不入叱咤流行榜，本來坐銀望金的他，更大有機會被飛出叱咤樂壇男歌手三甲，反由方大同、周國賢力爭超前。雖然男歌手三甲凍過水，但估計基仔的《戀無可戀》仍然可打入「叱咤樂壇十大」，縱使基仔事先張揚不會出席，但叱咤亦堅持宗旨，歌手唔到獎照頒。

女歌手方面，祖兒可謂在毫無對手下穩奪「叱咤女歌手金獎」，銀、銅則由薛凱琪火併吳雨霏跟王菀之。跟祖兒戀上後的劉浩龍，得女友帶挈而令新歌《爛命鴛鴦》熱爆，打入「叱咤」十大並非難事，可以跟女友同台領獎寫下難忘一頁。其他得獎歌曲預計還有祖兒的《加大力度》、陳奕迅的《重口味》、王菀之的《留白》、方大同的《千紙鶴》等。

此外，由去年開始，「十大中文金曲頒獎禮」取消在除夕倒數活動中頒發「優秀流行歌手」大獎，今年連時代廣場的倒數活動都無份搞，有傳頒獎禮「愈玩愈縮」，除受電台高層壓力外，亦因去年歌手投訴礙於出席電台的「畀面派對」而錯失做倒數騷搵真銀機會。大會總監馮偉棠昨日對此回應：「唔好阻人搵銀嘛，講笑啫。唔搞倒數，係因為電台12月好多大騷搞，電台兼顧唔到。」提到古巨基缺席四個頒獎禮，可會影響他在「十大中文金曲頒獎禮」的獎項？馮偉棠稱：「只要基仔有好成績，佢唔嚟都會頒獎畀佢。」

文：音樂組