「張晉食得住我」

蔡少芬做完見證後，與教友互動交流，張晉則推着熟睡的小楚兒站在一旁等候，呵護備至。不過，蔡少芬在佈道會上，笑言被張晉「食住」：「當年我男朋友（指張晉）好落力追求我，當我同佢一齊，佢就賴嘢喇！因為我變得好想箍死另一半，成日追魂call，佢唔覆我又會極之不安，我都知自己有問題，仲講過幾次分手，希望再見亦是朋友；直至有一次，我去重慶探佢，又為咗啲小事嗌交，我同佢講分手，佢嗰次好認真，幫我執行李，送我去機場，當行到一條橋，我諗起之前行呢條橋仲開開心心，但依家就分手，好唔捨得喺度喊，佢望住我同我講『仲敢唔敢』，我就知道有人『食得住』我喇！」