徐淑敏保鏢跟到實
曾志偉與黃浩的瓜葛千絲萬縷，身為黃浩太太的徐淑敏（Suki）出席公開活動被問到是否支持老公，她以「唔識答」迴避問題，但出入則有黑人保鏢跟住。當問到老公支持她退出娛圈時，靚女唱反調直言有工作會照接，更指自己心情未有受近日是非影響。
Suki夾在老公與志偉恩怨之間，可謂左右做人難。自志偉因涉嫌掌摑事件遭拘捕後，她昨午首次現身公開活動，經理人及一名黑人保鏢全力護駕。接受訪問期間，Suki顯得小心謹慎，當問到她中立又或是與老公聯成一線時，她表示：「唔識答。（唔支持老公？）佢OK嘅。」她又謂自己暫時未有能力處理和解決問題，故要交給專業人士幫手。談到志偉時，她則避重就輕謂：「其實我唔係成日返公司，所以都好少見到面，總之佢係前輩囉。（佢讚你乖喎。）咁我都乖嘅。」不過翻查資料所示，Suki當年參選港姐，答問環節剛巧由志偉負責，二人果然甚有淵源。
瘦了一圈
昨日她被指瘦了一圈，又因受近日是非影響令工作量下降，Suki對此謂：「冇大問題，廣告、活動都照有人搵我做嘢。」她又表示早前推job，主要原因是想花多些時間照顧家人，自己一切以家庭為大前提。有指黃浩曾向記者表示想Suki退出娛圈，她謂：「我想各方面都平衡番啲，而且尊重合約精神，有工作我會照接嘅。」其實自Suki上月開始主理其網上美容生意後，她坦言發展得不錯，就算不當藝員，相信亦早有退路。談到聖誕的慶祝活動，Suki表示：「唔出埠嘞，應該會喺香港叫朋友返屋企BBQ。（驚咗唔出街？）天氣凍呀，都係留喺屋企暖啲。」
另外，昨日活動完結後，Suki的座駕駛往金鐘放低同事，隨即再到港澳碼頭接載兩名女親友，齊齊返回大埔寓所，未有再外出。
文：影視組