胡定欣信無綫冇造假
日前勇奪無綫「最佳女配角」的胡定欣，昨日出席聖誕活動，在台上與兩名男粉絲一起砌蛋糕。胡定欣笑言今次活動在得獎前已接下，故是「舊價騷」：「不過近期工作係多咗，（加價？）呢啲公司安排，唔一定要加價嘅，可以密食，最緊要抵用。」她又透露冬至當日，帶同圈外男友Patt與家人吃飯見家長，問是否傾談婚事？她說：「唔係，食飯咋。」
此外，問到會否贊成無綫公開《萬千星輝頒獎典禮》參賽者的票數？胡定欣說：「真係無乜必要，玩呢個遊戲就要相信個公信力。既然搵咗一班人處理票數，無必要有個投票數字投邊個啦。」