徐靖雯日本遇地震 廁所避難
模特兒徐靖雯（Jenny）早前與媽媽去日本旅行遇上7.3級大地震，嚇到花容失色，驚到與媽咪匿入廁所，幸好二人最後安然無恙，但已有陰影，暫時不敢去旅行，昨日出席活動時Jenny說起仍猶有餘悸。
模特兒徐靖雯、傅嘉莉（Kelly）及張學潤昨日擔任「Dragon Icon模特兒大賽」的嘉賓主持，身穿露肩連身裙的Jenny自爆早前與媽媽到日本東京旅行時遇上7.3級大地震，酒店房內的東西劇烈搖晃，嚇到二人躲在酒店房的廁所內，其後才跑落街，她苦笑說：「我冇去日本近兩年，今次咁都畀我遇上地震，真好彩。當日覺得好似911咁，喺酒店房非常驚慌，即時入咗廁所避，但整間房都搖得好勁，最後都係跑落街，真係十分之驚。（男友周子揚咪好擔心你？）好多朋友都擔心，所以有打畀我，好彩冇事。」她直言有陰影，因此都會留港過聖誕。
傅嘉莉暗戀吳卓羲
同場的傅嘉莉透露《衝上雲霄2》是2013年的重頭劇，只要觀眾對她不反感就已經很滿足。提到陳法拉與張智霖是否戲假情真，她坦言二人是演情侶一定會親密，但二人有演戲經驗，會懂得處理。問到她與吳卓羲有對手戲會否投入真感情，她直言：「有投入真感情，劇中用眼神暗戀佢，角色以外潛意識都鍾意佢，因為眼神冇得呃。」
另外，傅嘉莉透露聖誕節會煮西餐與家人過，更希望2013年能找到一個穩定的男朋友，她說：「依家都有啲人追，就算出嚟食飯會同一大班朋友一齊，咁先睇到對方真的一面。」
文：名人組