Ana R.活在聖誕童話最幸福
聖誕節就到，夢想的聖誕是如何度過？
Ana R.直言懷念小時候信有聖誕老人的夢幻聖誕，而甄子丹太太汪詩詩更忽發奇想，希望香港落雪，與小朋友度白色聖誕。
《apm活動》：Ana R.
「我今年會同屋企人及男友喺香港過聖誕，不過都好懷念細個信有聖誕老人，嗰種天真同期待係最幸福嘅！」
趙哲妤
「我希望平安夜同心愛嘅人喺摩天輪上食燭光晚餐，一定好浪漫。」
《酒具活動》：廖碧兒
「想去落雪地方過聖誕，好耐冇試過，不過最近都要去北京。」
《夜店開幕禮》：王秀琳
「我聖誕未睇過落雪，希望今年可以有個白色聖誕，咁就最浪漫。」
《首飾活動》：蔣怡
「最想去南極睇企鵝抱下佢哋，又想去北極睇北極熊。」
溫碧霞
「其實一班人開Party已經好開心，如果落雪、close friend、家人，三樣齊晒就係最夢寐以求嘅聖誕節。」
《天馬娛樂周年晚會》：汪詩詩
「我想聖誕節香港落雪，同埋小朋友一齊過白色聖誕，最想連屋企入面都有雪。」
馬德鐘
「希望去火星過聖誕，聽講火星可以住得人，又冇乜人去過，個個都話要過白色聖誕，如果我去火星就會好特別。」
Naomi
「好想去澳門玩笨豬跳，同男朋友一齊縛住腳，嘴對嘴倒吊咁跳落去，攬住一齊好sweet。」