歌手林德信（Alex）昨日到山頂舉行迷你音樂騷，因Alex怕冷臨時由室外移師室內舉行，粉絲即場送上菠蘿包、柑桔蜜、聖誕卡等，他將禮物抱上身，十足一棵「人肉聖誕樹」。前晚冬至因大家都忙，所以昨晚才與父親林子祥及葉蒨文食飯補做冬。
本報披露張敬軒將過檔英皇，是他成功將同門師兄踢離環球？Alex即說冇可能：「係軒仔自己嘅選擇。（會分多咗資源畀你？）唔會，公司對每個藝人都好公平，唔會偏心！」
