歐錦棠鬧爆：沒有最衰 只有更衰

近年在騎呢界「戰績彪炳」的亞視再發功，安排資歷淺的藝員再培訓，但投資者王征不滿出席率太低，解僱其中五名合約藝員，包括前港姐戚黛黛、男藝員張啟樂、o靚模陳綺雯（Aki）及主持車車（張紫櫻），一眾亞視藝員及舊將得悉後O嘴大罵離譜及無情！

寸陳啟泰教學未夠班

已過檔無綫的前亞姐冠軍陳煒，以及藝員歐錦棠昨日宣傳無綫節目《體通體透》，齊齊向亞視發炮，陳煒說：「真係可悲，藝人點解要返學？講到亞視歷史，啲藝人熟過老闆，我覺得上堂冇必要！（覺得亞視搵藉口炒人？）唔知呀，係就直接啲，使乜搞咁多嘢。」她大讚張啟樂守時及熟讀劇本，是名全面藝人，戥他被炒可惜。而歐錦棠則非常激動，暗以粗口鬧亞視：「之前聽到話要藝人上堂，已經覺得無厘頭乜嘢！新人就話啫！有十幾年演藝經驗，仲上咩堂呀？唔出席唔使畀信啩？真係沒有最衰，只有更衰！佢製造緊電視界嘅瘋狂歷史，放心必定史上留名。（亞視應先搞好製作？）佢要搞，兩年前搞咗！再發免費電視台牌，佢一定死硬，如果唔係使乜咁騰？」他又認為陳啟泰獲邀做導師，質疑對方的資格。其實阿棠前日已在facebook開火：「唔使吹水，唔使作大，呢啲就係『香港良心』！」寸爆亞視！

陳煒認為亞視藝人對公司的歷史，比老闆更熟悉。	盛品儒死撐開班培訓，因為旗下藝人技巧欠奉。	王征

盛品儒嫌藝人欠技巧

至於與亞視已沒有合約的前亞姐張文慈，早前臨危受命，為亞生表演，亦因自己的亞視藝人形象太深入民心，導致失去不少工作，但她仍對娘家仆心仆命，惟昨日終忍不住在微博開火，為亞視感痛心：「真的忍無可忍王征的行為，亞視為何有今日，不是藝員有問題，不是公司有問題，而是老闆很有問題！」

張文慈覺得亞視無問題，有問題的是其老闆。（資料圖片）	翟威廉（左）希望亞視珍惜藝人。	ATV高層葉家寶正為《六合彩》物色新主持。

雖被千夫所指，但曾揚言亞視是最後一間執笠電視台的高層盛品儒昨日懶理輿論，死撐炒人無問題，認為培訓班是想藝人了解公司背景、發展方向及演藝技巧：「外面有外面人鬧，我哋有自己制度，因為亞視藝人管理不嬲唔係太好，想更加有秩序，不過炒咗人係好可惜嘅。（現職藝員仲要培訓？）佢哋技巧唔夠！」問到合約是否講明藝員要上培訓班？他表示要再作了解，但其他藝員會陸續加簽條款以配合培訓。

文：影視組