吳彤攬大埔糖妹僵硬
歌手吳彤日前為一網站拍攝聖誕特輯，劇中吳彤大享齊人之福，有兩位o靚模Cherry及Lulu相擁過聖誕，他笑言每次在鏡頭前攬女都會手腳僵硬，他笑說：「上次攬住羅憶詩（馬來西亞歌手）拍MV時，佢仲笑我話攬女唔係咁攬，跟住就將我隻手移咗上幾吋添！」他坦言最驚畀人話「鹹豬手」，最搞笑他攬住有「大埔糖妹」之稱的Lulu時，被工作人員笑他連笑容都硬埋。
問到聖誕送甚麼給另一半？吳彤指還未想到：「之前每年都真係送IT產品，好似送過手機、電腦畫板，冇理由今年又送手機咁行，我又唔識畫畫，歌又寫過畀佢，仲畀佢話我唱得難聽，或者最後折現算數。」