何韻詩失女配角唔失望
何韻詩日前應邀到澳門做騷，阿詩一口氣連唱多首經典金曲，酒店方面為她準備了貴賓套房，獲熱情招待的她笑說：「因為經常出埠工作，入住唔同酒店，對酒店梗係想有啲要求，我好鍾意呢度出名嘅睡床，一撻落床就瞓着。」雖則在亞太影展角逐「最佳女配角」落敗，但阿詩未有失望，她說：「其實冇乜諗過呢件事，因為有成23個城巿嘅電影參加，有得入圍已經好開心、好榮幸。」
阿詩表示過去放在電影的時間不多，能夠有這樣的成績已開心，她說：「日後有時間機會，我都想嘗試多拍啲不同類型嘅電影，電影同音樂模式唔同，電影講求團體性。」澳門之行後阿詩就到深圳為電影台錄跨年節目，再到上海參加一周年活動，她說：「過去一年都冇，今個聖誕新年終於有假放。」