As One交換禮物遭整蠱
今年加入樂壇的跳舞女子組合As One成員Shin、Oli、Nata及Elfa，首次結伴齊齊過聖誕節，四女直言聖誕當日會於工作中度過，故會提早開派對交換禮物，其中Shin表示讀書時曾跟朋友交換禮物時被大整蠱，她笑說︰「因為之前冇訂到禮物嘅價錢限制，我抽中一份好大嘅禮物，但拆嗰時發覺有好多報紙包住，到最後只係得一張卡，真係覺得有啲無奈。」
其他成員聞言後不禁大笑，更承諾交換禮物時不會「裝假狗」。
此外，Elfa笑言過聖誕時同樣有不愉快遭遇，為趕尾班船要赤腳於街上狂奔，狼狽非常，她苦笑說︰「當時同朋友去離島玩，點知玩過龍搞到要追船，為追船更除鞋赤腳跑，雖然最後趕到，但估唔到聖誕節最後搞到咁狼狽。」
場地︰大埔超級城