陳健添冇抽水︰對Beyond問心無愧
明年是Beyond 30周年紀念，跟Beyond三子反目多年的前經理人陳健添（Leslie）就在這大日子前，推出樂隊25周年的舊作品，被外界指他趁機賺一筆，日前Leslie接受本報獨家訪問，他否認有斂財之嫌，更自言：「對Beyond問心無愧。」而會否與樂隊和好，他只抱隨緣態度。
Beyond前經理人Leslie為紀念Beyond出碟25周年，最近推出《BEYOND亞拉伯跳舞女郎》限量紀念版，現長居澳洲的Leslie接受本報長途電話訪問時表示：「明年係Beyond成立30周年，但單計出碟年期，今年係25周年，因為我喺網上睇好多年輕一輩嘅Fans對Beyond嘅過去唔係太清楚，所以我先推出呢一批限量紀念版Box Set。」
曾鬧不和
Leslie多年前和Beyond鬧不和，至今關係仍惡劣，猶記得03年時，Beyond推出《Beyond超越Beyond Live2003》，同期Leslie推出《Beyond超越亞拉伯演唱會》DVD，即被Beyond和其Fans炮轟他有「渾水摸魚」之嫌，問Leslie今次再推出Beyond舊作，可擔心再惹非議？Leslie則說：「講真，唱片賺得幾多錢，我為咗呢個限量版，都花咗幾個月時間去製作，今次應該係我最後一次推出Beyond嘅作品。（怕唔怕Beyond反感？）咁就要睇吓佢哋個人有冇成熟到。」
嘗試破冰
問他可有通知Beyond再推出舊作？Leslie坦言沒有，多年來曾聯絡過Beyond三子，惜家強全沒回音，而黃貫中則有簡單的回覆，問他可嘗試跟三子和好？他說︰「我一直都有試，不過點都好啦，我覺得冇所謂，我對Beyond係問心無愧。」
文：音樂組