趙哲妤堅拒除bra遭禁錮
前中國小姐趙哲妤前晚出席活動時，自爆入行前曾遭不道德攝影師禁錮，對方要求她除bra拍照，被她拒絕後便不准她離開，令她大感驚慌，幸好最終有驚無險，現在她每次拍攝工作都會有同事陪同以策安全。
趙哲妤（Uny）前晚與性感女星張暖雅、Naomi，以及動漫Maggie李曼筠等齊為活動擔任嘉賓，Uny就自爆入行前曾遇過不道德的攝影師，她猶有餘悸地說：「嗰時我19、20歲，咩都唔識去咗間studio拍造型照，個攝影師氹我除衫，初初話除低一、兩粒鈕，之後叫我除埋個bra，剩係用頭髮遮住心口，我唔肯，佢又叫我飲杯嘢，我梗係唔飲，好驚，佢就唔畀我走，又唔畀我打電話！」Uny過了個多小時才成功脫險，但那攝影師事後竟然再致電約她到海灘拍比堅尼照，她即斷然拒絕。Uny說：「佢話我唔識呢行運作。之後我上討論區，原來已經有網民唱佢。」
Naomi與男友吵架
另外，Naomi對於早前試鏡時涉嫌遭到非禮，表示心情已好些，現不敢穿得太性感。不過最令她感到傷心的是網民指她博宣傳：「話件事大贏家係我，都唔知我贏乜！」她透露因此事而與男友嗌交：「唔知下星期我生日會唔會同我過。」
張暖雅賺性感錢
而負責打碟的張暖雅就性感上陣，透露在人生最低潮時得主辦機構幫忙，救了她一把，她說：「佢介紹依家個老闆畀我識，所以今次打碟唔收酬勞同埋咁性感。最低潮時係畀男友騙財，連食飯錢都冇。（以身相許？）『扑』（幫）過我嘅人有好多，唔會用呢啲嘢報答！」另她昨日出席活動時就表示即使有人不喜歡她都會照行性感，最重要賺到錢和有工作。
文：名人組