張敬軒拒同基仔爭一哥
張敬軒昨日出席活動，對於約滿環球現並已決定轉投英皇旗下，軒仔未有否認說：「大致有個方向啦，遲啲話畀大家知。（英皇出1,000萬轉會費？）錢唔係我最大考慮，而係想新環境下發展，但唔係返內地，反而自己呢幾年喺香港停咗腳步，想再站穩腳步先。」
對被指環球出1,500萬挽留？軒仔坦言：「係，（點解拒絕？）唔可以話拒絕，但有愧於Duncan（環球高層），因為過去三年我想做錄音室，佢就畀我做，我想遲出碟又畀我遲，以一個老闆同唱片公司，對我係好寬容。」
恨再亮相無綫
對於可能將與同性密友關智斌「閉門一家親」？軒仔稱一生的決定不會假手於人：「尤其咁Close嘅朋友盡量好少講工作同問意見。」而談到加盟英皇將與古巨基爭一哥位置？軒仔謂：「無論去邊一間公司，我都唔會成為任何人嘅威脅，只想齊心為公司爭取成績。」被問到簽英皇後可回歸無綫亮相？軒仔笑言是好事，始終無綫有慣性收視。因不續約可擔心頒獎禮捧蛋？軒仔稱：「年底有轉變，成績差都正常。」
吳雨主動握手
而軒仔在台上更與英皇行政總裁吳雨碰面，吳雨更主動與「未來兒子」軒仔「握手」，以行動盡顯兩人「友好關係」。吳雨被問到軒仔加盟一事，他大讚軒仔有才華，一直想和他合作。但吳雨否認用200萬幫軒仔贖身：「冇咁嘅事，我哋從來唔會畀錢贖身。（可怕古巨基唔開心？）唔會，歌手係各有各做，公司都想有多啲有實力歌手。」
文：音樂組