陳柏宇咀到孖膶腸
歌手陳柏宇（Jason）與吳若希（Jinny）昨日出席活動，以短褲示人的Jinny笑指搵唔到錢，冇錢買長褲，由於她所屬的唱片公司老闆何哲圖被指對鍾嘉欣特別「呵護」，即被取笑冧唔掂老闆，Jinny哈哈大笑說：「老闆好錫我哋o架。（有冇攬同抱你先？）冇喎。」
而近年甚少露面的Jason，被問到是否掛住與模特兒女友符曉薇拍拖而放棄事業？他說：「唔係。（公司人事變動？）係，初頭都有擔心，不過老闆親自打嚟派定心丸。」他自爆女友錫完愛貓再咀他，令他皮膚敏感慘變「孖膶腸」，他說：「都想叫佢刷完牙先好錫我。」