女子組合Super Girls日前與其他新女子組合同場出席音樂會，她們坦言不怕被比較：「好開心喎，大都都係朋友，就好似隔籬班同學咁！」問到隊長Aka日前在社交網站facebook上載了一段感性文字，字裏行間似在暗示失戀，她否認：「係我一個好朋友失戀，個男仔做咗啲好唔應該嘅事！我份人好睇重朋友，所以諗咗成晚，真係要帶眼識人！」
問到公司可有禁止她們拍拖？她們紛紛表示：「冇啊！公司畀好大自由度我哋，但老闆就成日警告我哋要小心啲，話好多人都唔係好人！（指圈內人？）內外都係！」
