霆鋒等緣分 外賣妹照殺

英皇電影老闆楊受成昨率領謝霆鋒、余文樂、胡軍、白冰、詩雅、陳偉霆以及冼色麗等於西貢出席英皇有份投資新片《特種救援英雄》開鏡拜神儀式，場面熱鬧！

楊受成心情大靚，在現場大派開工利是，又跟霆鋒嬉戲作狀互打！在戲中飾演消防員的霆鋒，早前曾到消防局一日受訓，他揚言穿起消防衣、帶上面罩，十足一隻糭一樣，亦因為這個原因，暫時不用特別操肌肉。

飾演女主角的白冰（中）要跟一眾猛男進出火場。

心情不錯的楊受成與霆鋒嬉戲作狀互打。

經常留家中

早前有傳張栢芝有新戀情，雖栢芝已作否認，但昨日霆鋒亦被問到知否栢芝有新歡？他表示：「傳啫！（有冇唔開心？有酸溜溜感覺？）唔會！（擔唔擔心栢芝拍拖會忽略兩個仔？）佢唔會，都唔知係咪真！（如果真祝唔祝福佢？）會，唔通咒罵人咩！」對於自己的感情事，霆鋒則揚言個人感情事要睇緣分，記者指他經常留在家中，難有緣分，霆鋒則笑言：「咁可能會係個送Pizza嘅人呢！」對於陳奕迅與徐濠縈日前開記招，霆鋒表示不知情：「我都唔睇一啲奇怪嘅新聞，佢係我朋友，我梗信佢同撐佢。」

白冰闖火場

「京城四美」之一的內地女星白冰昨悉心打扮現身，十分亮麗，而在新片中飾演熱力管導員的她，是新片女主角，戲份甚重，並需跟一眾猛男進出火場，可謂相當危險！問到她最想跟誰有感情戲？白冰說：「那一個都是有型猛男，真不知選誰好？」原本她跟胡軍有感情線，但到場才知道戲份已被刪。

余文樂在新戲中經常要出入火場，第一場戲便要拍火燒，令他擔心有危險，晚晚早瞓！另一主角冼色麗則在片中飾演安志杰妻子，有一場戲更要為老公狂摑霆鋒四巴，見對手摑到面紅才收手，對此，冼色麗大呼不好意思！

文：影視組