方大同睇騷常被人撞
方大同昨日到電台宣傳新碟，並表示新碟曲風是自己出道頭三隻碟的「進化版」。提到日前與緋聞女友薛凱琪「孖公仔」睇Big Bang騷？他說：「仲有幾個朋友一齊去睇，我覺得好好睇，原來隊長G-Dragon都識作曲，成個騷好powerful！」
對於有報道指在Big Bang騷內聞到大麻味，有男子被帶走接受調查，大同稱未有見到人疑似吸毒，問到有看到同場的容祖兒及蔡卓妍（阿Sa）飲酒狂歡？他說：「入場前見過阿Sa一眼，連祖兒都見唔到。我平時睇騷都好靜，但有時會被旁邊嘅觀眾搖動身體時撞到。」