高海寧胡楓忘年戀咀出真情
無綫咪神高海寧於新劇與胡楓譜出忘年戀，更徇眾要求即場錫對方一啖。她又自爆曾獲40多歲的男士力追，但因冇感覺而沒有接受。同劇的陳豪坦言不怕會被指與黎耀祥爭戲份，因為二人都是與世無爭。
陳豪、黎耀祥、陳法拉、高海寧及馬賽等昨日出席新劇《傳愛事務所》拜神活動，劇中飾演律師的陳法拉穿着律師袍示人，陳豪、祥仔則西裝骨骨。一向是宅男女神的高海寧於劇中會與胡楓譜忘年戀飾演夫婦，期間有記者要求高海寧咀胡楓，她都毫不吝嗇錫了對方臉珠一下。
喜歡成熟男士
高海寧坦言劇中與胡楓的一段情是真愛，深深被對方的文學修養吸引。她坦言現實生活中喜歡成熟男士，問是否年長很多都會接受？她謂：「唔會，十幾年都OK，現實中未試過同咁大年紀嘅人拍拖。不過19歲時參加模特兒比賽，有個40幾歲嘅客戶想追我，佢追咗我好耐，又約我食飯，喺屋企附近餐廳等我成個鐘，不過因為冇feel，所以冇接受。」
陳豪與世無爭
陳豪表示很喜歡《傳》劇本，亦很久沒與祥仔合作，甚有壓力，笑言要打醒十二分精神：「係良性競爭。（怕唔怕被人話你哋爭戲份？）唔驚，我哋嘅風格都係與世無爭，雖然生活喺名利入面，但唔追求名利嘅，性格就好似咖啡咁有濃度，視帝方面我都投咗祥仔一票。」而法拉透露戲內以短髮示人，但由於經理人、公司指她有合約在身，故打消剪短髮念頭。她謂：「未入行前我都短髮多年，可能選美出生，所以一直都留長頭髮。」她又指戲中角色性格硬朗，更懂得打拳。
文：影視組