志偉對「浩」入座：說話咪亂講
昨日徐濠縈聯同一眾被指涉及食肆吸毒事件的藝人再次召開記者會，並宣布向黃浩發律師信。捲入掌摑事件的曾志偉昨出席活動時，他不禁寸爆謂「嘢可以亂食，說話不能亂講」，暗指有人自作自受！
由徐淑敏丈夫黃浩引爆的「食肆吸毒風波」愈滾愈大，徐濠縈、何超儀昨午三時，就聯同其他被捲入事件的名人、藝人再次召開記者會交代事件，正式向黃浩發律師信。捲入掌摑事件的資深藝人曾志偉昨日出席拉麵店開幕典禮時，被問到記者會一事，初時還未知詳情的志偉只說：「上次阿徐同Eason開完記招就有講我知，（件事沒完沒了？）新聞炒炒吓就咁，既然都明白件事，就應該完結。（黃浩話大家趕絕佢兩公婆？）梗唔係，佢太太（徐淑敏）喺TVB出名多人錫佢，係乖女，一件事還一件事，佢自己先生唔撐又唔得。」
當記者告知志偉在記招上阿徐和超儀宣布會向黃浩發律師信，並疑有人報假案企圖妨礙司法公正，志偉謂：「可能黃浩自己又話無睇過段片（吸毒錄影帶），佢哋想還自己一個清白。藝人形象好緊要，會影響代言產品。」點睇黃浩被反告？他想了想才笑笑口說：「呢件事畀到大家好好警惕，無呢件事就唔好亂講，大家不斷回應係因為涉及毒品會對整個演藝圈有負面影響。」最後志偉作出結論：「食錯嘢可以屙番出嚟，說話就不能亂講！」
天華緊張藝人聲譽
同場的謝天華對此事回應謂：「藝人聲譽好緊要，傳緋聞係無可厚非，但涉及毒品就嚴重好多，會影響家人朋友，佢哋（徐濠縈等人）有呢個行動，相信有足夠理由。手頭上無佢（黃浩）所講嘅錄影帶，就有可能係報假案。」
文：名人組