超儀阿徐齊發信聲討黃浩

自爆出黃浩餐廳懷疑有藝人吸毒短片事件引發連串風波，昨日超儀、阿徐為以正視聽，率領當日有份參與飯局的部分「飯友」李璨琛（Sam）、葉佩雯、陳子聰、林文慧（梁漢文太太）等一行12人聯同律師會見傳媒，記者會上由律師蘇志榮公布四項內容，包括交代上周五代表兩位當事人去「報案」，而在記者會前就傳聞及報道向警方提供資料備案，並懷疑有人報假案妨礙司法公正及兩位當事人昨日已向黃浩發出律師信，去法庭申請禁制令禁制對方再發放錯誤訊息。

促當事人公開對質

之後，由「飯友」李璨琛講述去年10月10日的飯局情況：「一直以來冇正式講過當晚情況係點，日前有講過但傳媒冇將全部內容登出嚟畀大家知，我想公平公正一啲畀公眾一個交代。當晚一行24人係為咗慶祝朋友生日，作為藝人好少Check單，朋友睇完單覺得有問題同經理交涉後，先由九千幾變番八千幾蚊，作為食客感覺好呃錢。之後Kevin朋友喺網上發表個人感受，想提醒朋友食飯要Check單，之後有一個識得餐廳老闆嘅人打畀Kevin話係誤會，叫佢刪走微博，既然係朋友嘅朋友就刪走咗，點知當晚個老闆即帶同記者去報警，話被恐嚇又話冇錢食飯咪出聲。事情始末就係呢餐飯，一年後就發生吸毒事件。」

徐濠縈不滿虛假指控令家人感到焦慮及痛苦，只好挺身而出維護。

黃浩事件愈搞愈大，成為眾矢之的。

緊接葉佩雯亦謂好匪夷所思，竟將一個健康飯局變成吸毒：「我哋真係冇做過，有片即攞出嚟，點解唔攞證據出嚟呀。」

徐濠縈與一眾好友當晚在黃浩餐廳飯局，想不到鬧得滿城風雨。	昨日一眾「飯友」開記招，誓要討回公道。	代表律師發表四項聲明（左圖）及徐濠縈、何超儀向黃浩發律師信（右圖）。

風波至今何超儀終於現身回應，她表示：「一路冇出嚟回應解釋，係因為每個娛樂圈藝人、名人每日都畀一啲胡言亂語老作新聞困擾，冇必要作回應，但最近雜誌揣測得太嚴重，影響到家人、親友同老闆。」超儀坦言：「有兩個贊助商施壓力要我澄清，我講完如果傳媒朋友覺得唔夠清楚，歡迎大家幫我哋邀請當事人出嚟公開對質。」在旁的阿Sam亦加句：「除對質，仲希望佢攞埋手頭上嘅證據、影帶同牽涉嘅證人一齊對質。」

受委屈申請禁制令

問到超儀傳聞令她感委屈？超儀直言：「冇錯委屈咗我好耐，好無辜。」而徐濠縈稱已發律師信給黃浩：「如果有人繼續造謠，會向法庭申請禁制令，禁制佢唔好再發放錯誤訊息，因受到好大困擾。」超儀即形容就如黑暗中無端端被人伸手劃了「撻瘌」在身上，自然困擾。

問到會要求對方公開道歉？律師代答說是法律程序部分。再問到所有「飯局人」可需要去警局落口供時，律師稱會應警方要求，而其中一個人的口供已交予警方，但不便透露是誰。至於有關上周五有報道指律師去警署「並非報案」而是「提供資料」一事，蘇律師稱該報道絕對錯誤，有向警方反映，警方同意是錯誤，亦有報案編號。是警察公共關係科出錯？他謂：「我冇咁講過，唔知警方定係報道錯。」

至於超儀和阿徐昨日分別透過代表律師向黃浩發律師信，兩封信內容大致相同，唯一不同是阿徐指虛假指控引致8歲女兒陳康堤受周刊記者侵擾傷害，令其家人造成焦慮及痛苦難堪。

文：音樂組