陳豪夠實際：好過贏視帝
陳豪與鍾嘉欣分別奪得人氣廣告天王、天后獎項，陳豪坦言奪此獎比奪演戲獎項更開心，是實質的榮耀，他又坦言不介意跟女友陳茵媺情侶檔拍廣告。此外，台慶頒獎禮在即，視帝之爭如箭在弦，林峯不斷出口術拉票。
陳豪、鍾嘉欣（Linda）昨日出席《最強人氣品牌大獎頒獎禮》活動，二人更分別奪得最強人氣廣告天王及最強人氣廣告天后獎項，向來獲廣告客歡心的陳豪坦言已好多年奪得此獎，此獎對他來說是很實質的榮耀，向來對台慶獎項不太看重的他謂：「如果你問我演戲嘅獎同廣告獎，攞廣告獎我會更開心，因為呢個獎唔係想攞就攞，（因為銀碼吸引？）好多謝，我都好開心，自己都好好用o架！」他說今年已拍了七個廣告，連之前渴望拍的樓盤廣告都拍了，唯獨是汽車廣告未接。
婚紗廣告遲啲先
說到返大陸拍劇賺「人仔」都辛苦，他現時在港狂接廣告腳印印便袋袋平安，他笑言：「多謝，盡量做好自己。」問會否要求公司為他與女友陳茵媺「情侶檔」接廣告，他說：「我唔介意呀！（拍婚紗廣告？）婚紗唔好啦！遲啲先，不過我又冇理由截自己生意，但係優先權就放後啲。（價錢可能貴兩、三倍？）都一樣嗰句，我好抵用。」
林峯出口術拉票
而第一年奪得此獎的Linda坦言相當興奮，她表示今年經理人為她接得五個廣告，成績甚理想，她謂：「不過好得意，有好多清潔、消毒廣告，今年收入都好滿意，爹哋、媽咪都好開心。」她又坦言今年可算是賺得最多的一年。（想買甚麼獎勵自己？）「依家物色緊樓盤，想買間1,500呎屋，儲緊錢。」說到陳豪指捧廣告獎開心啲，她笑謂：「女主角獎都要，但呢個獎豐富咗荷包。」
此外，候選視帝林峯被問到周潤發日前表示睇好黎耀祥得視帝，林峯說：「多謝！（睇好黎耀祥喎！）多謝發哥，留意我哋電視劇，證明我哋有talking point，每個藝人都有自己支持者，投票制就可以畀佢哋表達實質支持，記住我係8號！」
文：影視組