陳法拉攞獎當bonus
陳法拉贏得「最佳新人獎」銅獎，是她第一個音樂獎項，感覺跟演員獎很不同：「下半年我去咗拍劇，放喺音樂嘅時間唔多，我當個獎係bonus。（出年專注音樂？）唔到我話事，出完隻碟，我都完約。（簽男友薛世恒公司？）唔會，係都N年前簽，特登避就係唔想好唔好都畀人講，其實都唔算刻意避，只係想大家專注我嘅音樂。」
有指政府再發電視牌，亞視可能倒閉，法拉認為有變化就有新機會出現，大家可多點機會。她跟無綫意見不同？法拉說：「我都有好多TVB股票，可以出席股東大會、分紅嗰隻，我對無綫發展唔擔心，演員發展、劇本質素，有競爭就會有鬥心，有良性發展。」