龔嘉欣為錢 低調做小三
龔嘉欣及許家傑這對緋聞情侶，昨日出席聖誕嘉年華，二人台上台下大晒溫馨，盡顯默契。
二人又雙雙接受訪問，落力營造銀幕情侶形象，許家傑更做戲做全套，他說：「我同嘉欣拍完《更上一層樓》後，我哋就分咗手啦！」之後才補鑊，正正經經地表示：「其實我私下有女友，但唔係報道所指嗰位Grace。（女友呷嘉欣醋？）都有詐我型，所以我同嘉欣就算情侶檔，都要盡量低調。（買層樓送女友，畀佢安全感？）依家未有能力住，惟有平時抽番多啲時間陪女友當補數。」
自認筍盤唔憂拍拖
許家傑表明有女友，只與嘉欣低調做「情侶」，不過嘉欣卻自爆曾主動聯絡許家傑女友，她說：「我生日嗰日都有打電話畀佢女友say Hi！佢女友都有祝我生日快樂！我當家傑係兄弟，有咩心事都會同佢講，但我唔怕佢女友詐型。我同家傑情侶檔都幾好吖，今年11、12月搵嘅錢，多過舊年呢段時間一倍，真係賺多咗好多錢！（幾時到拍拖？）我暫時唔搵男友住，我唔心急拍拖，我係筍盤嚟！」
文：影視組