周秀娜寸男友多女幫手Sell內衣

周秀娜昨日為日本內衣品牌的網上商店開幕主持大局，換了兩條迷你短裙示人，當中的黑色透視裙透出內裏胸圍。問到是否現時身價高而不走內衣騷？娜姐笑說：「我唔係着得密實，亦冇收埋，個胸仲存在，只係今日身份唔同，難得可以老闆身份揀模特兒。（點解你唔做生招牌？）之前影咗好多相放喺網上。（唔接其他品牌同泳衣騷？）我忠於自己設計。（搵少好多？）都係，始終自己都有六位數字投資，希望日後可開設店舖。」

想買舖位

由娜姐設計的內衣以透視為賣點，問是否個人喜好時，她即耍手擰頭。再問可有穿給男友Avis欣賞？她竟說：「佢可以推介畀其他人！」此言一出令全場嘩然，追問她男友可以推介給誰？她尷尬地說：「我作為生意人，咁諗當然係正常。佢人緣咁好，多女性朋友。（佢買嚟送畀人喎！）我都買咗送畀朋友！」記者提議她可將所有款式穿給男友看，娜姐說：「我驚佢雙眼生嘢！」

Avis曾與不少女藝人傳緋聞，難怪娜姐揶揄他多女性朋友。（資料圖片）

榮升老闆娘的娜姐絕不放棄演藝事業。

此外，娜姐又透露會多留港留意舖位：「我覺得買舖實用啲，香港買樓太貴，係買樓都會海外買，抵啲。（香港買舖都貴。）我唔係全部股份，我只係低層次由揀舖做起，始終自己生意要落手落腳。」雖然娜姐有意做生意，但絕不放棄演藝事業。

文：名人組