Naomi試戲疑遭胸襲非禮

曾與李思捷傳緋聞的性感女星Naomi（馮鎵瀠）昨午出席活動後，為林超賢執導新片《逆警》試鏡，竟發生被工作人員試戲時非禮事件，她表示當時只有一名男工作人員在場，對方要求在後巷試一場強姦戲，但愈試愈「逼真」，既施胸襲又推她落地，更一度扯開她的bra伸手入內摸她：「我有嗌唔好，但佢扮聽唔到，之後我直接話cut機，佢先解釋話想試吓我尺度，之後我發現對腳瘀咗，個胸紅晒仲有抓痕，我問番黃榕同仙樂都（吳堯堯），佢哋都有試鏡但冇咁樣，證明根本唔需要！」心情大受影響的她決定報警。導演林超賢承認曾有多名女演員參與該場口的試鏡，並有拍下片段，他指該男子是新入行的副導演：「因為冇人提點佢，之後會教番佢，如果報咗警就交畀警方處理。」