志偉今日現身見傳媒，雖未有正面回應黃浩被掌摑一事，但圈中人紛紛力撐志偉，可見他在圈中人緣甚佳，薛家燕更暗寸黃浩愛出鏡！
與志偉分屬好友的歌手蘇志威昨日出席跳舞活動時，被問到志偉捲入掌摑事件，他直言：「以我認識志偉廿多年，如果可以激到佢郁手，呢件事一定好有問題！不過志偉每次飲醉都瞓着。」薛家燕前晚出席慈善活動時，直言志偉為人仗義：「無聽過佢打人，如果有朋友要求幫手，佢都會盡幫，好有心。（識唔識黃浩？）唔認識，佢（黃浩）見報比我多。」
曾與志偉多次合作的鄭裕玲前晚出席剪綵活動時則說：「我少同佢玩唔知咁多，反而擔心佢健康，好似鍾意飲到醉晒，保重身體啦。」另外，欣宜前晚出席音樂會時亦表示不信志偉會動手打人：「唔會叫佢戒酒，佢知自己做緊乜！」
