黃浩自上月22日晚「爆料」，指被前員工以涉藝人吸毒的偷拍片段遭勒索而報案，掀起娛圈「毒」風潮，繼而日日遭受追訪，演變成娛圈連續劇。由於日日有新版本，黃浩最後更幾乎推翻所有「證供」，非常戲劇性！
1.前言：「當日有班名人、藝人配偶喺入面捲煙草，有啲丸、粉喺枱面，我唔知係乜嚟嘅。」
後語：「十年前我係見過有外國人捲雪茄。我係見過有人啪解酒丸。」
2.前言：「（有冇睇過條短片？係咪有藝人喺你間餐廳吸毒？）我覺得係。」
後語：「我無睇過任何人喺我餐廳內做任何非法行為。」、「唔係我話有藝人吸毒，而係外面有傳。」
3.前言：「除非警方要我交出短片（疑有人吸毒短片），否則我唔會公開段片。」
後語：「我上年10月已經交咗畀警方，不過條片係關於員工當日搬汽水入VIP房。」、「（咁吸毒片呢？）我冇片，亦冇睇過段片。」
4.前言：「保安顧問話涉及私隱問題，VIP房唔可以安裝閉路電視，已即時拆走。」
後語：「上年10月我屋企搬屋，間屋比之前大咗，所以我將啲閉路電視拆咗返屋企裝。」
5.前言：「有前員工向我兜售呢條短片。（勒索廿萬？）係。」
後語：「冇前員工勒索我，係有人恐嚇我。（做咩恐嚇你？）我唔方便講咩事！」