志偉笑罵食屎狗打亂生活
資深藝人曾志偉最近捲入黃浩被掌摑事件當中，連日沒有出席活動的志偉昨日終現身，並首度開腔回應事件，他表示不能多談案件，但向來口水多多的他突然妙語連珠發表「食屎狗論」，透露近日鄰居飼養的狗隻不停狂吠，令他不勝其煩。
曾志偉與黃浩及徐淑敏日前在前港姐鄭嘉雯與晨曦足球隊班主兒子周志豪婚宴上相遇，其後黃浩報警指被人醉後掌摑並到醫院驗傷，志偉被捲入事件當中，並傳出多個不同版本，瞬間成為全城熱話！
事發後，志偉一直沒有公開露面，前日更甩底籌款節目《歡樂滿東華2012》的拜神儀式，至昨午1時東華總綵排開始，依然未見其影蹤，但高層樂易玲拍心口保證志偉一定到。約下午3時，志偉終於施施然現身，他心情輕鬆，一副有備而來的模樣，更笑晒舉起大拇指拍照，問到有關案件及黃浩有冇反口？志偉表示無可奉告，因已有人報案，對於陳奕迅（Eason）及徐濠縈召開記者會，他則稱事後曾與Eason通電：「我話好呀！佢去上海，我返TVB做嘢。各有各做吖！」
拒透露會否助查
志偉強調沒被事件影響心情，又突然發表偉論，表示最近鄰居飼養了一頭狂吠的食屎狗騷擾其生活：「屋企後面有戶人養咗隻狗，晚晚吠，成個屋邨都投訴，但鄰居話隻狗好犀利嘅，見到有賊有鬼先吠，我話我呢度治安好好o架！唔會有賊o架！佢話一定有，否則係內鬼，我就好奇怪，前晚喺屋企開晒燈，又冇賊又冇鬼吖！佢就拉番隻狗走，話其實隻狗睇唔到嘢，咩都睇唔到o架！隻狗仲生瘌痢添！咁鬼核突！我問點解仲養呀？原來隻狗唔使食狗糧、食飯，淨係食屎嘅啫！哦！大家都原諒佢啦！」問到是否再要到警署助查，他表示不能透露。
任司儀心情無異
昨晚志偉擔任大會司儀，並參與開場表演「六國元帥賀東華」環節，與薛家燕、謝雪心及關菊英及一眾前港姐等以大戲裝扮登場，見他功架十足，以超高音哼出台詞，明顯心情無異，更開玩笑表示「認唔到自己」。
文：影視組