陳煒滿肚密圈 變蕩婦搶鏡
藝人陳煒、黃心穎、張秀文及許亦妮前晚練習肚皮舞，四人穿上露腰舞衣，腰間豬腩肉無所遁形，身為前輩的陳煒笑言身形不如後生女，但自爆稍後將扮演4D潘金蓮，教人引頸以待。
陳煒前晚聯同港姐黃心穎、張秀文及許亦妮為《歡樂滿東華》練習肚皮舞項目，四人中只有張秀文身形keep得比較好，其餘三人的豬腩肉則非常明目張膽，黃心穎更企圖「新聞封鎖」，她說：「我着嗰件衫好緊，搞到有紋，可唔可以唔好影？」
露背挑戰尺度
身為前輩級的陳煒則醒目地扯開話題，她說：「練舞練得好辛苦，未試過跳肚皮舞，呢種舞蹈要運用晒肚部每處肌肉，跳到個人好攰，黃心穎學過中國舞，再去pick up肚皮舞技巧會好啲。呢班後生女個個身材都好好，件舞衣又唧晒胸，個胸好似跌晒出嚟咁，我唔同後生女鬥啦！（你換件衫都唧到胸？）我冇得唧胸、跌胸呀！我遲啲喺《瘋狂歷史補習社》會扮演潘金蓮，到時會露背演出，挑戰晒電視尺度，4D肉蒲團嗰隻。」
文：影視組