狄易達對住李龍基
「酒廊王子」李龍基的音樂會「龍基濃情金曲夜2012」於今晚假九展舉行，為了令觀眾可以盡興而歸，李龍基與一眾好友密密排練，實行以最好狀態開騷，今次又搞搞新意思，搵來跳唱歌手狄易達幫手排舞，使個唱增添年輕活力！
李龍基前晚聯同好友方伊琪、「黑妹」李麗霞和戴蓓莉為今晚舉行的「龍基濃情金曲夜2012」綵排。演出經驗豐富的李龍基和女舞蹈員熟練地跳舞，就連近期hit爆的「騎馬舞」，李龍基亦都跳得有板有眼，依然寶刀未老。
鐵漢柔情唱情歌
提到連跳「騎馬舞」都應付自如，李龍基謙稱只是盡力而為，又透露演唱會上將會有更多「大雜燴」演出：「今次個騷有好多元素，例如有少年武術表演，又有弦樂三重奏，希望觀眾可以滿載而歸。」李龍基一向給人印象硬橋硬馬，他自爆今次會向觀眾展現他柔情的一面，他說：「今次主題係『濃情』，所以會唱好多情歌，我發現原來好多情歌都好好聽，練歌嗰時唱都好感動。」
同場的跳唱歌手狄易達表示有份為李龍基排舞，他說：「佢哋搵我可能想加入啲年輕元素。」不過他笑言在「指導」前輩舞步時，語氣和平時不同：「我平時教人都幾惡，不過對住一班前輩，語氣會恭敬啲，而且佢哋演出經驗豐富，所以都畀佢哋自己多啲發揮。」
文：音樂組