方大同靠老人帽食胡
由香港時裝設計師協會主辦的「世界時尚天橋2012香港」，將於本周日假尖沙咀星光大道舉行，今年十位傑出衣着得獎人士包括吳君如、翁嘉穗、胡杏兒、吳奇隆、陳曉東及方大同等。其中身在台灣宣傳唱片的方大同就表示十分驚喜，他開心表示：「過往參與嘅都係一啲音樂頒獎禮，所以今次收到通知時都幾突然。（鍾意着邊類型嘅衫？）其實冇特別諗過自己鍾意着邊類型，但偏愛西裝同畫家帽，好多人都覺得畫家帽有啲老人家feel，但我自己就覺得好正，如果有啲有特別款式嘅衫都會搵人訂造，不過通常我出席大型場合同頒獎禮都會着西裝。（憑瘦削身材入圍？）感覺通常攞呢啲獎項嘅都係壯男。」
而是次活動更會邀得多達340位模特兒包括Lisa S.及周汶錡等走3km天橋，打破了世上最多模特兒時裝秀的世界紀錄，屆時更會有健力士世界紀錄人員來港見證，十分巴閉！
