G.E.M.校園獻sing 學生唔願走
G.E.M.、羅力威和洪卓立等人昨日一同出席校園活動，眾人大受學生歡迎，尖叫歡呼聲不斷，G.E.M.唱完一首歌後學生已急不及待嗌encore，她笑言：「你哋啲先生喺後面等緊你哋上堂，唔可以再唱喇！」羅力威和洪卓立則走到台下和同學握手，學生紛紛衝上前，令禮堂一度出現混亂！
唔信好友會閃婚
受訪時G.E.M.就稱對自己今年的樂壇成績非常滿意，但對女歌手獎不敢奢望：「我唔敢諗啊，諗咗就會好大壓力！反而我重視觀眾嘅支持同銷量多啲！」她又說，聖誕日日工作，冇得玩。對於好友李蘊傳閃婚，G.E.M.哈哈大笑：「我一早知佢拍拖啦，都一段時間喇！（傳閃婚？）唔知喎，傳聞啫，係真嘅話應該會同我講嘅！如果係真嘅而我又唔知會好傷心！」另外，日前她在微博上載了一張扮卡通小雲的相片，戴上紫色長假髮和膠框眼鏡的她，竟和糖妹有幾分相似呢！
羅力威顛倒日夜
同場的羅力威則一臉倦容，他笑言：「我慣咗日頭瞓覺，夜晚做嘢，依家好早啊，係學生先會咁精神！」他指自己不愛慶祝節日，所以聖誕都會在工作中度過：「香港都冇乜嘢好消遣，最多咪唱K！」他又指自己欠下很多歌債要盡快清理。
文：音樂組