吳綺莉冇收掟煲費生活無憂

成龍近日接受《好報》獨家專訪，自爆當年小龍女事件後，曾把心一橫與太太林鳳嬌攤牌離婚，沒料阿嬌未有半點責罵，還以「依家係人哋最辛苦時候」為理由，促請成龍急急處理事件。成龍對此大感愧疚，翌日更改遺囑將遺產給名下基金及阿嬌平分，不過對於親生女小龍女（卓林），他未有把她計算在遺產繼承人名單內，更無奈表示：「就算認番（卓林）都冇用啦！」

不想再提過去事

面對成龍的反應，吳綺莉處之泰然，昨日下午4時許如常從大埔寓所，驅車到石門一所國際學校接女兒放學。不過她甫見記者拍照，即以沒化妝為由以手機遮面，但仍大方接受訪問。問到有否閱讀《好報》成龍專訪？她謂：「仲未睇，因為打咗破傷風針好暈。（話一蚊都唔分畀小龍女。）唔關我事。（成龍話認咗個女都冇用！）唔好再講，大家唔好再提，都過去啦！（成龍話當年諗過同阿嬌離婚！）再講都冇意思，做人要向前望，唔鍾意講人哋嘢。（有冇同成龍聯絡？）唔好再問人哋嘅嘢啦！個女都就快讀大學，就算聯絡都唔係依家嘅事，我個人講得出做得到，個女嘅事就自己處理啦！」

吳綺莉如常驅車接愛女放學。	小龍女昨日放學便立即回家。	成龍接受《好報》獨家專訪，承認想過與林鳳嬌離婚。

「唔係拍一次拖」

對於有指當年二人攤牌後，吳綺莉收取成龍巨額掟煲費，她澄清謂：「當年所有報道都唔係真，其實做藝人好多其他嘢講，我個女過多10年8年都嫁得。（個女有冇想見爸爸？）我同個女都係貫徹始終，唔會再問以前嘅嘢。（問你同成龍拍拖嘅嘢？）佢同我性格一樣，唔會提過去，呢件事對我嚟講都已經唔係咩一件事，我又唔係拍一次拖。」

提到日前被商台炒魷，吳綺莉直言經濟沒有問題，更指平日也爆騷，收入尚可。她謂：「我份人好穩陣，依家住嗰度首期畀咗好多，所以都係供好少。」及後小龍女與同學仔從校門離開，當小龍女發現記者時，即躲在同學仔背後，未幾便9秒9上車離開。兩母女返抵家門前，小龍女一馬當先落車與狗玩樂，一會兒過後便入屋。

文：影視組　

攝：追蹤組