秋生疑有人報假案促警調查
黃浩餐廳疑發生藝人迷幻飯局，結果愈傳愈烈，連一向低調的陳奕迅（Eason）及徐濠縈昨日亦不禁反擊。事件引爆圈中人公憤，就連「娛樂判官」黃秋生和杜汶澤也挺身要求「警方要做番啲嘢」及直指要黃浩交出聲稱涉事的錄像！
有「娛樂判官」之稱的影帝黃秋生，對於傳出有藝人涉吸毒傳聞後，近日爆出勒索事件及日前飲宴掌摑事件，最後陳奕迅與太太徐濠縈昨午開記招闢謠，秋生昨日在電話中表示：「唔係話（黃浩）報咗案嘅咩？咁係咪報假案？警方係咪應該要做番啲嘢？依家搞到我都唔係好清楚究竟係點？（陳奕迅不滿家人被採訪？）報道手法係咁。我唔識黃浩，唔知邊個嚟！（有冇人引誘你吸毒？）唔好玩啦，我咩年紀呀？係都引誘啲o靚妹啦！係人都知我咩人，引誘我咪盞嘥氣。有酒就『棟』兩支喺度，其他嘢唔使講咁多。」
阿澤要求「睇片」
至於與Eason兩公婆分屬好友的杜汶澤，則力撐好友說：「佢兩個好少咁做，證明好受影響至咁做（投訴），好事吖！亦都可想而知佢（徐濠縈）一定冇做過（迷幻飯局），證明佢係完全清白，否則咪自打嘴巴？」
談到雖然Eason已在昨午的記招上否認與太太「離家出走」，但有指Eason及太太阿徐感情受影響，而兩人的好友杜如風早前亦曾說Eason和阿徐心情受影響，阿澤即表示：「以我所知，佢兩公婆感情不知幾好。（識唔識黃浩？）我好少睇佢，睇佢老婆多啲！有片就攞出嚟，等件事快啲平息，我聽都聽到覺得悶！」
文：影視組