郭偉亮寸爆黃浩
郭偉亮（Eric Kwok）前晚撇下老婆葉佩雯約男友人到跑馬地室內運動場打羽毛球，至晚上11時Eric獨自步出取車，問他有否去過黃浩餐廳食飯？他說：「冇，所以佢講嘅唔係事實。（佢畀人打喎，你點睇？）係咩？唔知喎！」對黃浩在飲宴當晚報稱被打及報警，Eric暗寸對方說：「咁呀！希望佢冇事啦，如果係真嘅話。」另外，杜如風在電台接受訪問，再談及涉吸毒事件，覺得好麻煩影響形象，想盡快真相大白。她有跟阿徐及何超儀呻過，並相信她們沒有做過。昨日Eason發聲明，杜如風在微博寫道：「人善人欺天不欺！」
