葉佩雯：這才是事實！

在絕密飯局曝光照片中，手執筷子的葉佩雯（Grace）跟老友正在交談，她得知阿徐、陳奕迅（Eason）發放飯局照以正視聽，第一時間在微博留言：「這才是事實！」之後Grace在電話中力撐Eason兩公婆：「如果有片最好攞出來，依家到我哋都有相先啦。」她覺得食一餐飯搞到咁好恐怖、好無辜：「件事都幾騷擾藝人，尤其是睇到阿徐好慘，影響埋佢有小朋友，唔係咁好。」
葉佩雯
葉佩雯

之前有傳Eric Kwok也在飯局，Grace表示老公從來無去過該餐廳，可想而知件事有幾真實，今次事件影響藝人及令人對娛樂圈有錯覺，認為藝人有不良行為，她只望水落石出，早日解決件事。

Kelvin
  • Kelvin

聲明中飯局發起人陳維尊，據知是LMF成員Kelvin的女友，Kelvin當晚也是座上客，亦支持Eason夫婦的反擊行動：「講個真相出來還大家清白，以佢咁鍾意做呢啲，有片一早就攞出來，一餐平常飯演變到好似拍劇咁。」他表示做人清者自清，公道自在人心，冇做過唔使驚：「我唔係好明，正常人都唔會咁做，鍾意調轉嚟講，編個故事出來。」