Cara G.睇住荷包生B
模特兒Cara G.昨日為品牌Hogan 2013春夏預展擔任模特兒，對好友Lisa S.造人成功大表高興：「幾日前已知道，真係好興奮。」她又笑言自己已有心理準備隨時做媽媽：「如果我有咗BB都會好開心，媽咪17歲生我，我哋感情好好，趁後生生會有精力湊BB，我依家28歲，所以30歲前一定要生。（生幾多？）睇吓賺幾多，其實我哋好鍾意小朋友，可能生3至4個，不過香港養一個小朋友實在太貴，或者都係生1至2個。」她又坦言收養一個、生一個就最好。
另外，劉燁亦於吳彥祖的微博上留言，表示若他生女，希望跟他對親家，並祝福母女平安。