紅姑有戲癮復出諗諗
愛貓的鍾楚紅（紅姑）昨日出席活動時提到家中年老愛貓，竟不禁眼濕濕，坦言害怕愛貓離世；而問到可會復出拍戲，紅姑就表示會認真想想，始終對拍戲仍有興趣。
紅姑昨日以一身火紅色西裝配襯低胸上衣，出席連卡佛與施華洛世奇元素合辦的聖誕活動，她左胸上還有兩個假蝴蝶bling bling紋身，十分搶眼。大會知道紅姑愛貓，即場送贈了一個價值$53,500的水晶貓形clutch給她。紅姑表示家中養有一隻12歲的貓貓，問到可會準備定新成員接力？她即眼泛淚光說：「唔好提，好驚。不過我隻貓好霸道，當咗我係佢個伴，佢會妒忌，接受唔到。我之前啲貓貓走時我好心痛，喊到眼腫面腫，要好耐先平復到。（會唔會唔養？）唔會，養寵物係要經過呢個階段。」
聖誕有貓陪
談到聖誕節，她謂這是她全年最喜歡的節日，她有時間也會下廚炮製聖誕大餐，亦會買禮物送給朋友。問她沒有伴的聖誕可會lonely？她笑言：「我盡量唔諗，我有貓。（收過乜嘢最難忘嘅聖誕禮物？）好多，唔在乎個價值，係心意令人感動，會想一世保存。」她又表示沒有想過紋身，因覺得是束縛，她喜歡自由自在。問到會否復出拍戲，她說：「研究吓，慢慢考慮吓，認真諗吓。（有冇人搵過你？）呢排冇，之前有，可能覺得我唔認真。（怕拍戲辛苦？）我唔怕辛苦，但我鍾意自由自在，拍戲係成個配套，成個生活畀晒佢。如果有合適都冇所謂，自己拍咗咁耐戲都鍾意演戲，始終有興趣，要睇時機。」
文：名人組