祖兒撐基仔唔會Care排名

祖兒前晚出席叱咤拉票活動，打入候選「我最喜愛的女歌手」五強。對於有傳古巨基因被電台高層打壓，致今年「我最喜愛的男歌手」五強不入一事，祖兒表示：「唔好咁諗話打壓，總之基仔喺自己同好多人心目中，已經係受歡迎嘅歌手，以基仔嘅Level，唔會太在意呢啲排名。」基仔今年多首派台歌成績都不俗，祖兒亦大讚對方今年有幾首歌都很喜歡，不過獎項不是重點，尤其基仔入行多年，他會很明白，祖兒又不忘鼓勵說：「今年冇，出年入番囉，我都有機會入唔到o架，咪下年再嚟囉。」

同場的羅力威指師兄基仔一向對他照顧有加，視基仔為偶像，亦是心目中最喜愛男歌手，而阿嬌（鍾欣桐）稱Twins亦曾不入「我最喜愛的組合」，不相信有打壓傳言。大會則表示「我最喜愛的男女歌手」均由樂迷在網上投票選出五強。

祖兒安慰基仔寄望明年。（資料圖片）

羅力威與泳兒齊齊出席發布會。

周柏豪帶Condom求生

而一班歌手應大會要求準備「若世界末日會帶甚麼東西隨身」的物品，鬼馬的祖兒竟選帶手機、充電器、唱片及話梅，她笑言怕暈船浪要話梅隨身，而最抵死是周柏豪的走難用品竟是避孕套，他謂是求生工具用來載水，笑爆全場。

周柏豪帶備避孕套逃生。

羅力威視師兄古巨基為偶像。

此外，祖兒昨日聯同泳兒及羅力威出席「3家居寬頻全港首個家居寬頻正版卡拉OK服務」新聞發布會，祖兒自言近年已很少出外唱K，更自爆匿在浴室唱歌，自封「浴室K后」，問到可有唱男友的《思覺失調》？她笑言：「鍾意唱女仔歌同埋係獨唱歌。」

文：音樂組