徐淑敏單拖出入冇保鏢護駕

藝人徐淑敏及馬德鐘昨日到山頂為仁愛堂舉辦的慈善步行日擔任嘉賓，為參加者打氣。日前黃浩揚言請保鏢保護老婆，但昨日徐淑敏出席活動時，卻不見保鏢護駕。而徐淑敏對於近日老公黃浩捲入懷疑藝人吸毒事件而聲稱曾被恐嚇，她表示事件已交警方處理：「我唔知咁多，都係先生去處理。（條片交畀警方？）一切都畀警方按正常程序做，我自己冇睇過條片亦都冇多問。（怕唔怕影響小朋友？）咁做係唔應該，但相信唔會對小朋友着手。」問到可有感到自己黑仔？她說所有事都總會過去，相信老公有能力處理。另外對於流出老公攬女照，她澄清：「我結婚時都見過啲相，嗰啲唔係佢女朋友，我都識嗰啲人。（話同細So老婆發展過？）一定冇，我都識阿Wing。」