岑麗香搞單身聖誕P
宅男女神岑麗香昨日以一身迷人Pink Lady打扮出席香水活動，她透露將會開拍新劇，會在香港度過聖誕節，問到會否和另一半歡度佳節？她笑說：「冇另一半，所以好悶，之前都同王君馨講過想食火雞，依家都同佢哋度緊期。（搞個單身party叫埋男藝人一齊玩？）都好，如果啲火雞食唔晒都可以請。（鍾意男仔畀驚喜？）都係，自己都鍾意學嘢，有創意嘅男仔會加分。」
香香又表示正在頭痛要選擇甚麼禮物給父母，她說：「我諗緊買香水畀媽咪，而daddy我就想買啲relax啲嘅嘢。（預多少錢買禮物？）一家人一向買嘢唔會太貴，平時daddy都只要求我親自畫一張卡，心意最緊要。」