藝人陳豪昨日出席商場活動時，被問及早前與陳茵媺秘遊法國預支蜜月、日後是否會選擇巴黎蜜月等問題，他搬出招牌對白說：「OＫ嘅……開心嘅……去玩啫……」又頻頻指記者「諗多咗」。陳豪展露甜蜜笑容補充：「我哋撞啱時間一齊去玩啫，唔係秘密，只係想低調啲，我哋去咗蒙娜麗莎屋企（即博物館），去咗幾間咖啡室歎吓當地咖啡。（有冇諗過喺當地開咖啡室？）我都係諗住喺香港開先，雖然巴黎好浪漫。」
不過，有網民撞破二人遊巴黎後，指他拒絕合照，態度冷淡。對此陳豪回應：「我拒絕合照後都覺得唔好意思。」
