祖兒一講師兄 繃緊變冧笑

祖兒昨日以師兄最愛的綠色作打扮，穿上螢光綠外套於赤柱出席「粉紅高踭鞋慈善競跑比賽」開幕禮，同場還有謝霆鋒及黃偉文做嘉賓。早前何韻詩公開「出櫃」而令祖兒遭質疑雙性戀，昨與師兄秘密外遊後首度現身的祖兒難免會被追訪，故此其經理人霍汶希（Mani）及8位英皇員工齊為祖兒護航，反而歌迷拉了一條有同性色彩的彩虹旗來支持祖兒。

只想低調私人生活

祖兒在活動上及訪問初期較以往收起笑容，她解釋繞路返港是因知道太多記者等她：「我唔鍾意咁，私人生活想低調，呢個係我性格上嘅少少缺陷。」當日阿詩被問祖兒雙性戀說「很難答」，事後Mani聲稱令祖兒情緒「崩潰」？心情明顯平復的祖兒則言「崩潰」兩字太嚴重。對被指雙性戀可有不開心？她謂：「冇，一直以來好多誤解都成習慣，今日呢個問題已經微不足道，感情係兩個人，感受到愛就OK，我唔想作無謂交代，亦無令我Feel Bad。」

劉浩龍	祖兒與霆鋒坐下受訪，身後則有多位英皇人員陪同。

祖兒更言：「阿菇（阿詩）表達咗佢取向，作為朋友絕對支持，呢個動作唔係為佢自己，係為呢群人爭取更多公平，如果我有咁嘅機會我都會支持。」可有嬲阿詩引發是非？她謂：「梗唔會嬲，咁多年感情、友情，係永遠嘅朋友。（阿詩話唔敢再提你名？）君子之交，唔使下下講到明，呢段感情有幾認受大家都心知。」

霆鋒自嘲反面教材

提到祖兒男友師兄日前受訪時說會安慰女友，祖兒原先繃緊的表情頓時換來一臉甜蜜：「呢啲唔講啦！（旅行後兩人感情大躍進？）我想努力工作，做嘢做嘢。」之後霆鋒坐下，祖兒更佻脫地遞咪給他，霆鋒撐祖兒和師兄說：「兩個單身人一齊開心就得，唔通好似我返到屋企冇人冇物好！（你有兩個仔？）見都要有過程o架！（叫師兄好好對祖兒？）唔講其他人啦，都咁大個人咯！」祖兒忍不住搭訕說：「霆鋒好支持我，好錫我o架。」

提到下周未能赴好友郭偉亮（Eric）和葉佩雯喜宴，Eric更坦言很傷心？霆鋒稱也不開心，因當年Eric是他的證婚人，但因當晚要到西安出席代言活動不能推辭，已向Eric說對不起。問他可會送厚禮定拍片補數？他謂：「真係未諗喎。」

文：音樂組