龔嘉欣掟煲唔掟蓋 蜜會鄧健泓
龔嘉欣（Katy）、田蕊妮、蔣家旻前晚在將軍澳中心出席全港首個《蠟筆小新冬日白雪小鎮》開幕儀式。龔嘉欣透露與鄧健泓「再見亦是分手」，有保持聯絡之餘更有單獨食飯，關係耐人尋味；阿田就大爆老公杜汶澤性格和小新如出一轍，一樣咁無賴！
龔嘉欣、阿田、蔣家旻、Kawaii前晚和新鴻基地產代理有限公司租務部高級租務經理梁家寶、高級推廣經理劉文豪在將軍澳中心主持《蠟筆小新冬日白雪小鎮》的開幕儀式，四人見到現場小新的小鎮可愛布置，即童心大發，不斷影相。
早前宣布與鄧健泓分手的Katy，雖全程面露笑容，但原來有苦自己知，她表示至今仍未走出失戀的陰霾：「依家都會唔開心！」問到有否和鄧健泓保持聯絡？她謂：「前兩日都有同佢食飯，個相處方式冇變，只係個稱呼唔同咗！（復合？）以後嘅事未知，但係依家仲未接受到新嘅感情！隨緣啦！」下月生日的Katy又透露鄧健泓有問她生日想要甚麼禮物，看來復合機會非常大。
田蕊妮爆老公無賴
另外，阿田就自爆老公杜汶澤性格和小新一樣無賴，問到阿澤會否像小新一樣除褲通屋走時，阿田就大笑謂：「呢啲太私人，唔會話畀你聽！」早前阿澤入圍金馬獎最佳男主角和男配角，雙喜臨門，作為老婆的阿田表示百分百支持老公，但頒獎禮當日因有工作在身未能陪老公分享喜悅，她笑言：「佢攞獎嗰刻可能第一個唔係想攬住我呢！」
文：影視組