Ada剖白：feel到佢想溝我
吳啟華對蔡少芬（Ada）動真情，原來Ada亦感覺到，只不過雙方性格不合，最重要是Ada想搵基督徒為對象，二人才沒有發展成情侶。Ada接受訪問時說：「我梗係feel到，其實呢個圈都好多人追我，我分得好清楚，邊啲只做到朋友，總之我唔會用友情嚟賭啦！」
與啟華分屬好友，Ada坦言雙方性格有異：「未必係佢有問題，可能我都有問題，無謂越界，反正我都想搵基督徒做男友！（改造佢？）冇啦，啟華原本係基督徒，後來轉信佛教！不過，啟華係好有義氣嘅人，對朋友好好，試過有個PA問我哋借錢，我覺得佢好似講大話冇借，但啟華借咗畀佢，後來我問番佢點解仲借？啟華話最緊要幫咗人先啦！所以我覺得呢個人心地好！」