岑麗香等收鑽戒 1卡都肯嫁
宅男女神岑麗香（香香）昨日佩戴全身總值700萬元鑽飾，閃爆現身珠寶預展，雖然貴為女神，但原來她從未收過男士送贈的鑽戒，明言一收即肯定了對方是男友。
香香昨日以嘉賓身份出席英皇珠寶「曲萃瓊姿」珠寶首飾預展，全身行頭總值700萬元，包括「雲霞喜鵲」系列的鑽石頸鏈和手鐲，其中一枚約重5卡的鑽石戒指，便高達500萬元。香香為配合鑽飾，棄可愛馬尾，換上一個髮髻，變身高貴女神，她說第一次佩戴如此貴重的鑽飾，倍感壓力，自爆在後台出場前，搽潤膚露前也先問一問工作人員，她說：「隻戒指有5卡，戴咗成層樓喺手，（你揀樓定揀鑽戒？）唔知點揀，始終女仔都鍾意鑽石，都想買對鑽石耳環畀媽咪和婆婆，（有冇男士送過鑽戒畀你？）冇呀，我淨係收過一啲頸鏈和銀器首飾，未收過鑽戒，不過有都唔會接受，如果收，就即係肯定咗對方嘅地位。」問她是否一定要收5卡鑽戒才肯嫁，她大反應說：「我發夢。」笑言收1卡都肯嫁。香香現正為台慶準備靚衫，以往出席台慶的花旦都會互鬥性感，但香香卻拒絕性感，不想行性感路線。
楊諾思讚好真誠
而英皇鐘錶珠寶主席楊諾思，透露香香是經過她公司全體員工投票選出的人選，自己因為甚少看電視，但昨日見到香香，楊諾思不忘大讚對方，她說：「同事都覺得佢形象健康又爽朗，今日見佢真人，覺得真人更好，仲靚仲瘦，個人又好真誠，可能同外國回來有關，個人好真。佢好能夠代表時下好時尚嘅年輕人。」楊諾思更一口答應會贊助珠寶給香香出席台慶。
文：名人組