張智霖擔天望地唔敢(目及)咪神
張智霖前晚獲電視台優待，派出無綫咪神梁政珏拋胸與他大演對手戲，咪神低胸到場，大騷5吋噴血事業線。咪神在拍攝時先從後箍實張智霖，又五度施以胸壓。面對肉光四射，張智霖表現得相當君子，寧願擔天望地都目不斜視。
早前怒轟拍劇安排差的張智霖，前晚與吳鎮宇等繼續於中環為電視劇《衝上雲霄II》開工，電視台派出咪神梁政珏飾演其前度情人，34D梁政珏穿上超低胸緊身裙出現，大拋5吋事業線，吸引全場目光，梁政珏買定啤酒幫助入戲，隨即和張智霖埋位拍攝一場坐在梯級傾偈戲份，肉緊的梁政珏從後攬實張智霖，即時施以胸壓大送波餅，更因NG關係前後拍足5次。梁政珏豐胸剛巧與坐低一級樓梯的張智霖視線成水平，為免令嬌妻誤會呷醋，即使眼前肉光四射，張智霖全程表現得相當君子，寧願擔天望地也不敢將眼神亂放。
現場所見張智霖心情相當好，不少途人要求和他合照亦來者不拒，同場的吳鎮宇則cool得多，經常獨自企在街角玩電話。拍攝期間，適逢金像攝影師杜可風一身街坊Look經過，熱情地和工作人員吹水，不過鎮宇似乎和杜可風不相識，兩人完全沒有交流。
法拉預告酒窖激吻
據知，張智霖戲中除了有梁政珏這位前度情人，稍後更會和陳法拉有場激情戲份，兩人原本被安排於蘆葦田拍攝，可惜最後改於室內酒窖中取景，但激情度不減，連法拉亦預告從未拍過如此激的接吻戲，她說：「我比較怕拍接吻戲，我覺得唔可以口水掂口水，反而錫面同錫身都OK，不過都要睇吓點拍，電視尺寸有限，我都好放心。」她更希望大家不要將焦點放在該場戲上，問到是否擔心似徐子珊場強姦戲令大家失望，她說：「依家啲觀眾好留意同性有關嘅場面，覺得好大件事，其實只係角色、生活嘅一部分，大家又唔係小學生，唔使大驚小怪。」
文、攝：追蹤組